English

PLÚS FILM

Snekkjuvogur 11

104 Reykjavík

Ísland

Sveinn +354 8222300

Auður    354 8222303

audur@plusfilm.is

plusfilm@plusfilm.is

sveinn@plusfilm.is

FTP serverinn

 

IWM-Logo_rgb_text_u[1].JPG

Felag Hrossabaenda

StudBookLogo.jpg

Lifland

Landsm 2008_jpgmynd.JPG

íþrótt menning lífsstíll 9.JPG

sm_2008.gif

Allar ljósmyndir á
síðunni eru eftir  

RAX
         

 

 

Á HESTBAKI 3 er komin út á ensku og íslensku
Samspil manns og hests er þriðja kennslumynd Eyjólfs Ísólfssonar.

Sjá stiklu hér: https://www.youtube.com/watch?v=_XpfdVqUlpY

Dreifing/Distribution:
www.plusfilm.is
audur@plusfilm.is
tel. 354 8222303

Í þessari mynd, sem er sjálfstætt framhald af fyrri myndum,
heldur Eyjólfur áfram að fjalla um þjálfun og reiðmennsku.
Myndin er jákvæð og uppbyggjandi og velferð hestsins alltaf í fyrirrúmi.
Hér er á ferðinni markviss kennsla, skref fyrir skref,
sem á erindi til allra hestamanna. Myndin skiptist í sjö kafla og er 90 mín. að lengd.

 
  1. Farþegaæfingar
  2. Að bakka
  3. Líkamstjáning og ásetustjórnun
  4. Knapinn
  5. Stökk
  6. Hringvöllurinn
  7. Ný keppnisgrein
Á hestbaki 3 er þriðja myndin í seríu Eyjólfs
Ísólfssonar, sem er einn fremsti sérfræðingur á sviði 
reiðmennsku á íslenskum hestum í heiminum í dag. 
Hann er brautryðjandi í tamningum og þjálfun og hefur 
unnið marga glæsta sigra á keppnisvellinum; fimmfaldur íslandsmeistari, 
sigrað gæðingakeppni á Landsmóti og tvisvar unnið töltið og verið valinn 
knapi ársins. Eyjólfur hefur verið yfirreiðkennari í Háskólanum á Hólum í 15 ár. 
Hann hefur hlotið gullmerki Félags tamningamanna FT og
 heiðursverlaun Landssambands hestamannafélaga LH  
fyrir störf sín að málefnum íslenska hestsins. 
Eyjólfur hefur um árabil haldið námskeið í reiðmennsku og 
þjálfun á íslenskum hestum út um allan heim.
 
 

Nánar um innihald myndarinnar Á Hestbaki 3.

Þessi mynd er sjálfstætt framhald af fyrri myndum Eyjólfs. Myndin fjallar um samspil manns og hests eins og titillinn ber með sér.

Allar framfarir í reiðmennsku byrja hjá manninum. Allir knapar hafa sömu forsendur til að hafa áhrif á hestinn, þ.e.a.s. líkama, fætur,hendur og rödd. Árangurinn er engu að síður mjög mismunandi frá einum knapa til annars. Í þessari mynd er fjallað um hvernig knapinn getur þjálfað sjálfan sig og bætt. Einnig er sýnt hvernig knapinn getur haft áhrif á hestinn með líkamstjáningu og ásetu og þegar best lætur stjórnað með ásetunni.

Það er hægt að læra mikið um hugsun og hegðun hestsins þegar gerðar eru farþegaæfingar. Hesturinn er alveg frjáls og knapinn reynir að vera sem þægilegust byrði og trufla hestinn sem minnst. Það reynir á jafnvægi knapans við þessar æfingar en gott jafnvægi er forsenda fyrir tilfinningu og tímasetningu sem er rauði þráðurinn í reiðmennsku.

Þegar hesti er kennt að bakka verður auðveldara að hægja niður og stoppa. Þegar knapinn hefur stjórn á fótum hestsins skapast virðing og hesturinn fer að líta á manninn sem leiðtoga. Það þarf að vera jafn auðvelt að fara áfram sem að hægja niður.

Stökk er oft vandasöm gangtegund að þjálfa. Í myndinni er sýnt hvernig hægt er að byggja stökkið upp stig af stigi og ná árangri með þessa mikilvægu gangtegund. Farið í hringteymingar á stökki, brokk – stökk -brokk, tölt - stokk og fet - stökk. Talað er um stökkþjálfun og misstyrk og hvað gerist þegar hestur fer upp á fótinn á tölti.

Það er vandasamt að ríða á hringvelli. Mikilvægt er að undirbúa hestinn vel og kenna honum á völlinn. Til að geta útfært sýningu sem best verður knapinn að geta staðsett hestinn rétt á vellinum. Í myndinni er farið yfir helstu tækniútfærslur sem góður keppnismaður verður að kunna. Það er líka talað um hringvöllinn og sýndur völlur sem er hannaður þannig að öll þjálfun á honum verður sanngjarnari fyrir hestinn.

Á 40 ára afmælishátíð FT var kynnt ný keppnisgrein. Nokkrir reyndustu hestamenn félagsins sköpuðu þessa grein. Þetta er keppnisgrein sem hefur tilgang og boðskap. Henni er ætlað að hafa góð áhrif á þjálfun og reiðmennsku á íslenskum hestum með velferð hestsins í fyrirrúmi. Eyjólfur var formaður nefndarinnar sem bjó til þessa grein og henni eru gerð góð skil í síðasta kafla myndarinnar.

 

Knapar sem koma fram í myndinni eru/Riders who appear in this film are:
Anton Páll Níelsson, Ásta Bjarnadóttir Covert,
Eyjólfur Ísólfsson, Ida Thellufsen, Inga María S. Jónínudóttir,
Ísólfur Líndal Þórisson, Mette Mannseth, Sonja Líndal Þórisdóttir, Þórarinn Eymundsson o.fl.

Handrit og leikstjórn/Script and Director: Eyjólfur Ísólfsson
Framleiðandi/Producer: Sveinn M. Sveinsson sms film ehf.
Kvikmyndataka/Cinematography: Sveinn M. Sveinsson
Þýðing/Translation: Sigurður Líndal Þórisson, Neal McMahon
Þulur/Narrator: Sveinn M. Sveinsson
Hljóðsetning/Sound Mixing: Upptekið/Gunnar Árnason

DVD format: 4:3 Stereo
Lengd/Length: 90 min.
Dreifing/Distribution:
www.plusfilm.is
audur@plusfilm.is
tel. 354 8222303